Berar ham Xudodir olar ham Xudo
Erkak yig'lamasin davlat ketsa ham
Hech kimsa bo'lmasin baxtidan judo
Erkak yig'lamasin omad ketsa ham
Berganda shukur qil olganda sabr
Shoshilib o'zingga qazmagin qabr
Yigitchilik darsin uqmasdan ahir
Erkak yig'lamasin faqat sinsa ham
Boshiga tushganda nogoh qaro kun
Yo'lida uchrasa bir do'sti sotqin
Ey hayot egmagin hech qachon qaddin
Erkak yig'lamasin savlat ketsa ham
Pul bor joyda biling do'st bor dushman bor
Pul bor joyda biling rost bor yolg'on bor
Pul bor joyda biling nafs bor shayton bor
Erkak yiğlamasin do'st pand bersa ham
Boylik adashmoqlik uchunmi ayting
Boylik xatto baxtdan ustunmi ayting
Boylik bu hayotga mazmunmi ayting
Erkak yig'lamasin g'iybat bo'lsa ham
Kimdir ko'rolmasa turgan joyingni
Boshing silab mo'ljallasa poyingni
Ulfat bo'lib oğulatib choyingni
Erkak yig'lamasin kim past ketsa ham
Boshiga ming sinov snoat kelsa
Ko'zdan uyqu qochib halovat ketsa
Ishlaring yurishmay boshga dard yetsa
Erkak yig'lamasin rohat ketsa ham
Yigitga ne kerak bir chin do'st kerak
Yigitga ne kerak yorug' yuz kerak
Mol davlati nomus ori bo'lsa but
Yigitga ne kerak bir gul yuz kerak
Dardingni berar ham olar ham o'zi
Sarg'aymasin qarzdan hech kimning yuzi
Mehnatdan to'xtama vaqt o'zi qozi
Erkak yig'lamasin ming qarz bõlsa ham
Tirnog'ing ostidan izlab kim illat
Qilgan yaxshiligin qilsa kim minnat
Kechagi qarzing deb noming etar past
Erkak yig'lamasin hurmat ketsa ham
Dunyoda hech kimdan olmagin qasos
Xudoga sol qaytar dunyo bordir rost
Har bir qadamingni doim o'ylab bos
Erkak yig'lamasin mansab ketsa ham
Erkak yig'lamasin asab ketsa ham
Sabr qiling o'tar yo'qchilik kelsa
Shukur qiling agar tõqchilik kelsa
O'ksimasin kimdir qalbin sindirsa
Erkak yig'lamasin niyat ketsa ham
