Farrux Raimov & Shaxzod Yuldashev - Shaytanat

Hayot gulzor deya kezdim
Tikonlari chiqdi yo'ldan
Xudo urgan shaytanatning
Shaytonlari chiqdi yo'ldan

Ko'ngil berdim yora nogoh
Axtarib ming tasallolar
Zaharxanda qildi ag'yor
Yomonlari chiqdi yo'ldan

Zamon Haqqa tegishli deb
Necha fursat qildim sabr
Chektirib oh necha sohib
Zamonlari chiqdi yo'ldan

Tilindi qalb shilindi til
Baloyi nafs bo'ldi g'olib
Qimorga boy berildi or
Pushmonlari chiqdi yo'ldan

Umr qismat dedim balki
Peshonamga yozilg'ay
Xudo urgan shaytanatning
Shaytonlari chiqdi yo'ldan