Sahroyi cho'linda borar devona
Unga dunyo yotdur qayg'u begona
Bu qadim sahroning qonuni o'sha
Karvonlar ko'p erur sarbon yagona
Ey do'st yovlaringni yengib ketasan
Va lek ular yetgan yerga yetasan
Porlagan joyinga singib ketasan
Yulduzlar ko'p erur osmon yagona
Dunyo hech kimsaga qilmagan vafo
O'tkinchi barisi ishratu safo
Haqiqiy tabibdan so'ragin shifo
Dard alam ko'p erur darmon yagona
Qarishi qadimdan kim g'olib borar
Kimlardir nishonsiz yo'qolib borar
Manzilga birgina yo'l olib borar
Tuyg'ular ko'p erur iymon yagona
O'tmishing buguning ertang ayoning
Va inson zotining ketmush qayoni
Kelmush bir kitobdan to'liq bayoning
Kitoblar ko'p erur Qur'on yagona
Har ne bo'lganda ham shuni unutma
Sultonlar ko'p erur xoqon yagona
