Keldik ketajakmiz kelishar ketar
Nechun buncha oh voh yugur yugurlar
Allohning bergani barchaga yetar
Xudbinlikni qo'ying insof bergurlar
Bizlardan oldin ham bo'lgan bu dunyo
Va bizdan keyin ham qolar begumon
Yelkamizga ortiq ketolmaydigan
Boylik deya umrni etmaylik hazon
Pul pul pul pul pul puldan vafo kutmaylar
Pul topdim deb haddan oshib ketmaylar
Olmoq borki bermoq ham bor dunyoda
Bu dunyoda afsus bilan o'tmanglar
Balki bugun sizda qudrat bor kuch bor
Qo'l cho'zsangiz yetar hatto oyga ham
Biling hech bir ne'mat mangu berilmas
Sizda qudratliga sizdan boyga ham
Kibrga berilmang men zo'rman deya
Zo'rlarning eng zo'ri yagona tanho
Yaratgan ixtiyor qilmasa agar
Bo'g'zingizdan nafas o'tmaydi hatto
Pul pul pul pul pul puldan vafo kutmaylar
Pul topdim deb haddan oshib ketmaylar
Olmoq borki bermoq ham bor dunyoda
Bu dunyoda afsus bilan o'tmanglar
Bugun erta indin qachondir bir kuni
Vaqti soatingiz topganda yakun
Foyda berarmikin yiqqan pulingiz
Umrimni bir kunga cho'zdirmoq uchun
O'tkinchi dunyo deb qiynamang jonni
Hamisha pokiza saqlang vijdonni
Qimmat baho kiyim tillo zarlarmas
Yaxshi amallar bezar insonni
