Yulduzli kechaga to‘libdi toring,
Kuygan yuragimning taftini olgin,
Meni tutaverar sening xumoring,
Ming kecha bo‘lmasa, bir kecha qolgin.
Ertani ko‘rish yo‘q, ham ortga qaytish,
Xayolga ergashib, telbadek daydish,
Hech kimga aytish yo‘q, hech kimga aytish,
Ming kecha bo‘lmasa, bir kecha qolgin.
Maylida, shu oqshom yilga aylansin,
Orzularim oppoq gulga aylansin,
Ko‘nglim armonlari kulga aylansin,
Ming kecha bo‘lmasa, bir kecha qolgin.
Maylida, shu oqshom yilga aylansin,
Orzularim oppoq gulga aylansin,
Ko‘nglim armonlari kulga aylansin,
Ming kecha bo‘lmasa, bir kecha qolgin.
Kulimni yoritsin yuzlaring shami
Labimdan ketmasin bo'salar tami
Bo'lardi umrimning eng shirin dami
Ming kecha bo‘lmasa, bir kecha qolgin.
Iltijo qilaman chiqma deb kulga
Ohimdan osmonlar to'lsin tutinga
Alishaman qolgan umrim shu tunga
Ming kecha bo‘lmasa, bir kecha qolgin.